სამხრეთ კორეა

სეული — დედაქალაქი და უზარმაზარი მეტროპოლია ჰანგანის მდინარის პირას. ყველაზე მეტი ღირსშესანიშნაობა მდებარეობს ქალაქის ცენტრში და ჩრდილოეთ ნაწილში, ხოლო სამხრეთით ძირითადად საცხოვრებელი რაიონებია.

• ჩონნოგუ — ქალაქის გული ჩოსონის დინასტიის დროიდან, სადაც არის სამეფო სასახლეები, პრეზიდენტის რეზიდენცია და მრავალი კულტურული დაწესებულება.

• განნამგუ — ბიზნეს რაიონი მონუმენტალური ცათამბჯენებით, სავაჭრო ცენტრებით და ფეშენებელური 4-5 ვარსკვლავიანი სასტუმროებით. აქ მდებარეობს ყველაზე ცნობილი სავაჭრო და გამოფენის ცენტრი COEX, რომლის დიდი ბიბლიოთეკა აუცილებლად უნდა მოინახულოთ.

• იტევონი — გურმანების სამოთხე მრავალფეროვანი რესტორნებით.

• აპქუჟონგი — ძვირადღირებული ბუტიკები და უნივერსამები.

• მიონდონი — ხმაურიანი ქუჩა უსასრულო კორეული კოსმეტიკის მაღაზიებით და პირველი კათოლიკური საკათედრო ტაძრით კორეაში.

პუსანი — დედაქალაქ სეულის შემდეგ მეორე ყველაზე დიდი ქალაქი, ცნობილია ულამაზესი სანაპიროებით. სანაპიროები აქ ქვიშიანი, სუფთა და ძალიან მხატვრულია. ყველაზე პოპულარული სანაპიროა ჰეუენდე, სადაც შეგიძლიათ ისიამოვნოთ კლასიკური კურორტული გართობებით და დიდ აკვარიუმს ეწვიოთ.

ჩეჯუ — სამხრეთ კორეის უდიდესი კუნძული და პოპულარული ტურისტული დანიშნულების ადგილი. კუნძულს აქვს უნიკალური ბუნება, ვულკანური წარმოშობის ლანდშაფტები, ჩანჩქერები და ლამაზი სანაპიროები. ჩეჯუ ცნობილია ასევე სუფთა ჰაერით, მცენარეულობით და ზღვის პროდუქტებით. აქვე არის უნიკალური კულტურული და ისტორიული ადგილები, რომლებიც მიმზიდველია როგორც ბუნების მოყვარულთათვის, ასევე ისტორიის მოყვარულთათვის.

ინჩხონის ცენტრში მდებარეობს ტრადიციული დაბალი შენობებით და მშვიდი პარკებით გარემოცული კვარტალები, ხოლო მათ მიღმა იწყება ცათამბჯენებისა და თანამედროვე არქიტექტურის კომპლექსი.

სამხრეთ კორეაში მდებარეობს სათხილამურო კურორტებიც:

• იონფჰიონი — ქვეყნის ყველაზე გრძელი, 5600-მეტრიანი სათხილამურო ტრასა, სადაც 2018 წელს ზამთრის ოლიმპიადა გაიმართა;

• ფენიქს-პარკი — რეპუტაციით გამორჩეული დასასვენებელი ზონა;

• ჰიონდე-სონგი